ئه‌مڕۆ 1 شه‌ممه‌ 11/5 یارییه‌كانی دواهه‌فته‌ی خولی یانه‌ نایابه‌كانی ئینگلته‌را كرا، تا ئه‌مڕۆ نازناوی خوله‌كه‌ دیارنه‌بوو بۆكێ ده‌بێت به‌هۆی ئه‌وه‌ی هه‌ردوو یانه‌ی مانچسته‌رو چیڵسی هه‌مان خاڵیان هه‌بوو كه‌ 84 خاڵ بوو گه‌رچی یانه‌ی مانچسته‌ر به‌ زۆری گۆڵ له‌ پێش چێڵسی بوو، به‌ڵام له‌ یاری ئه‌مڕۆدا یانه‌ی مانچسته‌ر به‌بردنه‌وه‌ی له‌ یانه‌ی ویگان 2 _ 0 گۆڵ، كۆی خاڵه‌كانی خۆی گه‌یانده‌ 87 خاڵ، له‌به‌رامبه‌ردا یانه‌ی چێڵسی به‌رامبه‌ر بوو 1 _ 1 گۆڵ له‌گه‌ڵ یانه‌ی بۆلتۆن و خاله‌كانی له‌ 86 دا وه‌ستا، به‌م ئه‌نجامانه‌ش یانه‌ی مانچسته‌ر بۆ جاری 17 مین له‌ مێژوی خۆیدا نازناوی خولی یانه‌ پله‌ نایابه‌كانی ئینگلته‌رای به‌ده‌ستهێنا، گۆڵی یه‌كه‌می مانچسته‌ر گۆڵكاری یانه‌كه‌ و خوله‌كه‌ (كریستیانۆڕۆنالدۆ) له‌ڕێگه‌ی لێدانی په‌نالتی ده‌قه‌ی 33  تۆماری كرد، گۆڵی دووه‌میان یاریزانی وێلزی و یانه‌كه‌ (رایان جیجز) له‌ده‌قه‌ی 80 تۆماریكرد،
ڕیزبه‌ندی چێنج یانه‌ی یه‌كه‌م:
مانچسته‌ریۆنایتد    87 خاڵ.
چێڵسی                 85 خاڵ.
ئه‌رسناڵ               83 خاڵ.
لیڤه‌رپول              76 خاڵ.
ئیڤه‌رتۆن              65 خاڵ.

سبه‌ینێ و دووسبه‌ی ‌ 12 و 13/5 جه‌وله‌ی سیانزه‌یه‌می یاریه‌كانی خولی تۆپی پێی یانه‌ پله‌ نایابه‌كانی كوردستان به‌ڕێوه‌ده‌چێت، تیایدا بروسك یه‌كه‌می ریزبه‌ندی ده‌بێته‌ میوانی یانه‌ی سیروانی نوێ، كه‌ بردنه‌وه‌ی بروسك به‌س ده‌بێت بۆ به‌ده‌ستهێنانی نازناوه‌كه‌ پێش ته‌واوبونی خوله‌كه‌ به‌دوو جه‌وله‌، گه‌ر سیروانی نوێ بتوانێت له‌ بروسك به‌رێته‌وه‌ یان به‌رامبه‌ربێت، ئه‌وا هه‌ردوو یاری داهاتوی بروسك له‌گه‌ڵ سلێمانی له‌یاریگای خۆی و له‌گه‌ڵ پێرس له‌دهۆك، ته‌نها پێویستی به‌دوو خاڵ ده‌بێت، چونكه‌ پێشمه‌رگه‌ی سلێمانی دوه‌می ریزبه‌ندی جیاوازی حه‌وت خاڵه‌ له‌گه‌ڵ بروسكدا، مه‌حاڵه‌ بتوانێت یه‌كه‌م بێت، مه‌گه‌ر بروسك هه‌رسێ یاریه‌كه‌ی ماویه‌تی بدۆڕێت كه‌ به‌پێی ئاست و ئه‌نجامه‌كانی پێشووی زۆر قورسه‌، جگه‌ له‌وه‌ی پێشمه‌رگه‌ی سلێمانی و له‌م جه‌وله‌یه‌دا ده‌بێته‌ میوانی یانه‌ی هه‌ندرێن، گه‌ر نه‌یباته‌وه‌ هیوا بڕاو ده‌بێت له‌ یه‌كه‌می خوله‌كه‌، ئه‌مه‌ش به‌ریه‌ككه‌وتنی یانه‌كانه‌ له‌جه‌وله‌ی 13ی قۆناغی دوه‌م كه‌ گشت یاریه‌كانی سه‌عات 4.30ی عه‌سر ده‌كرێت:
ئارارات   × ئاسۆ
ئه‌زمڕ     × هه‌ڵۆ      سه‌عات 2.30
زاخۆ      × پێشمه‌رگه‌ی هه‌ولێر
هه‌ندرێن × پێشمه‌رگه‌ی سلێمانی
سلێمانی × پێشكه‌وتن
هه‌ولێر   × دهۆك
پێرس     × كه‌ركوك
هه‌روه‌ها یاری سیروانی نوێ × بروسك   رۆژی دووسبه‌ی سێشه‌ممه‌ 13/5 سه‌عات 4.30 ده‌كرێت.

فۆتۆ/ یانه‌ی بروسك پێشه‌نگی خوله‌كه‌.

دوای‌ ئه‌نجامه‌خراپه‌كانی‌ یانه‌ی‌ به‌رشلۆنه‌ له‌ خولی‌ تۆپی‌ پێی‌ ئیسپانیا و كاسی‌ ئیسپانیا و چامپیۆنس لیگا و بێهیوابونی‌ له‌به‌ده‌ست هێنانی‌ نازناوه‌كانیان به‌ تایبه‌تی‌ دوای‌ دۆڕاندنی‌ به‌رشلۆنه‌ له‌ یاری‌ كلاسیكۆ به‌رامبه‌ر ڕیال مه‌درید 1-4 گۆڵ، سه‌رۆك و ده‌سته‌ی‌ كارگێری‌ یانه‌ی‌ به‌رشلۆنه‌ بڕیاریدا به‌لابردنی‌ ڕاهێنه‌ری‌ یانه‌كه‌ ( فرانك ریكارد)، دانانی‌(گواردیۆلا) له‌شوێنی‌، به‌رشلۆنه‌ گه‌ر وابڕوات سێیه‌می‌ خولی‌ ئیسپانیا ده‌بێت و بۆ وه‌رزی‌ داهاتووی‌ 2008-2009 چامپیۆنس لیگا ده‌بێت له‌ قۆناغی‌ پالاَوتن به‌شداربێت كه‌ به‌پێی‌ بۆچونی‌ سه‌رۆكی‌ یانه‌كه‌ (لاپۆرتا) ئاسته‌نگ ده‌بێت له‌به‌رده‌م به‌رنامه‌ی‌ خۆئاماده‌كردنی‌ تیپه‌كه‌ بۆ وه‌رزی‌ داهاتوو، گواردیۆلا، پێشتر یاریزانی‌ هه‌ڵبژارده‌ی‌ ئیسپانیا و به‌رشلۆنه‌ بوه‌ و پێش ئه‌م پۆسته‌ نوێیه‌ی‌، ڕاهێنه‌ری‌ تیپی

هه‌فته‌ی ڕابردوو له‌ باره‌گای لیژنه‌ی ئۆلۆمپی هه‌رێمی كوردستان له‌شاری هه‌ولێر، به‌ئاماده‌بونی به‌ڕێز (مه‌لا به‌ختیار) سه‌رۆكی لیژنه‌ی ئۆلۆمپی هه‌رێمی كوردستان و سه‌رجه‌م ئه‌ندامانی مه‌كته‌ب ته‌نفیزی لیژنه‌ی ئۆلۆمپی هه‌رێمی كوردستان، كۆبونه‌وه‌ی ئاسایی مانگانه‌ كرا، دوای خوێندنه‌وه‌ی راپۆرتی (سامی سه‌عید) ئه‌مینداری گشتی لیژنه‌ی ئۆلۆمپی هه‌رێمی كوردستان له‌سه‌ر یه‌كێتیه‌ وه‌رزشیه‌كان ئه‌م بڕیارانه‌ ده‌ركران:
1-كه‌مكردنه‌وه‌ی ئه‌ندامانی یه‌كێتیه‌ وه‌رزشیه‌كان به‌پێی چالاكیه‌كانیان به‌مشێوه‌یه‌: یه‌كێتی تۆپی پێ-8 ئه‌ندام، یه‌كێتیه‌كانی (باسكه‌، باله‌، تۆپی ده‌ست، گۆڕه‌پان و مه‌یدان) بۆ 6 ئه‌ندام، یه‌كێتیه‌كانی تر 4 ئه‌ندام، له‌گه‌ڵ هه‌ڵپه‌ساردنی هه‌ندێ یه‌كێتی.

سبه‌ینێ 1 شه‌ممه‌ 11/5 له‌ بانكۆكی پایته‌ختی تایله‌ند یارییه‌كانی 10 مین قاره‌مانیتی فۆتساڵی ئاسیا 2008  ده‌ستپێده‌كات، كه‌ 16 هه‌ڵبژارده‌ی ئه‌سیه‌وی تیایدا به‌شدارن، كراون به‌ چوار گروپ، هه‌ڵبژارده‌ی فۆتساڵی عێراق یه‌كیكه‌ له‌ هه‌ڵبژارده‌ به‌شداربووه‌كان، له‌ گروپی a سبه‌ینێ سه‌عات 12.30 به‌كاتی كوردستان یه‌كه‌م یاری خۆی ده‌كات له‌گه‌ڵ میوانداری خوله‌كه‌ هه‌ڵبژارده‌ی فۆتساڵی ووڵاتی تایله‌ند، ماوه‌ی چه‌ند مانگه‌ هه‌ڵبژارده‌ی عێراق له‌ خۆئاماده‌كردندایه‌ بۆ ئه‌م خوله‌ دواترینیان كه‌مپێكی ڕاهینان بوو له‌ ووڵاتی قه‌ته‌ر، ناجح حمود جێگری سه‌رۆكی یه‌كیتی تۆپی پێی عێراق سه‌رۆكایه‌تی شاندی عێراق ده‌كات و دكتۆر ئه‌سعه‌دلازم به‌ڕیوه‌به‌ری هونه‌ری تیپه‌كه‌یه‌، یه‌كه‌مه‌كانی ئه‌م خوله‌ به‌شداری ده‌كه‌ن له‌ جامی جیهانی فۆتساڵ كه‌مانگی حه‌وت له‌ به‌رازیل ده‌كرێت، گروپه‌كانی ئه‌م خوله‌ به‌مشیوه‌یه‌یه‌:
گروپیA  (تایله‌ند، قیرغیزستان، عێراق، ئه‌نده‌نوسیا)
گروپیB  (یابان، ئوستورالیا، توركومانستان، تایوان)
گروپیC  (ئۆزباكستان، لوبنان، كۆریای باشوور، مالیزیا)
گروپه‌ D (كوێت، ئێران، چین، تاجیكستان)
یارییه‌كانی سبه‌ینێ 1 شه‌ممه‌ 11/5 به‌مشێوه‌یه‌ ده‌بێت:
قیرغیزستان × ئه‌نده‌نوسیا.
ئۆزبه‌كستان × مالیزیا.
یابان         × تایوان.
ئێران         × كوێت.
تایله‌ند      × عێراق.
لوبنان       × كۆریاباشوور.
ئوستورالیا  × توركومانستان.
تاجیكستان × چین.

حسێن عه‌لی/ كه‌ركوك
ئیواره‌ی روَژی 5/5/2008 وفدیكی له‌روَژنامه‌نوسانی نه‌مسا به‌ یاوه‌ری دابان عبدالكریم نوێنه‌ری یه‌كیتی نیشتیمانی كوردستان له‌ نه‌مسا سه‌ردانی نوێنه‌رایه‌تی كه‌ركوكی لیژنه‌ی ئولومپیا ن كرد و له‌ لایه‌ن سه‌روَك وسكرتیر وئه‌ندامانی نوێنه‌رایه‌تی و هه‌ندی له‌ سه‌روَكی لقی یه‌كیتیه‌ وه‌رزشیه‌كانی كه‌ركوك به‌ گه‌رمی پشوازیان لیكرا ،
له‌ دانشتنیكدا ویرای به‌ خیر هێنانی وه‌فده‌كه‌ حه‌ربی خالید / سه‌روَكی نوێنه‌رایه‌تی راپورتێكی زاره‌كی سه‌باره‌ت به‌ نوێه‌رایه‌تی كه‌ركوك پیشكه‌شكرد وتیاییدا ئاماژه‌ی به‌وه‌ كرد كه‌ وه‌رزش له‌ كه‌ركوك سیمای وه‌رزشی هه‌موو عیراقه‌ ونێنه‌رایه‌تی له‌ هه‌مووپیكهاته‌كانی كه‌ركوك پیك دیت ئمانجیان ته‌نها پیشخستنی وه‌رزشی كه‌ركوك هه‌روه‌ها ووتی ئیمه‌ شه‌ر خوازنین وشاری كه‌ركوك ئه‌و برمیله‌ باروته‌ نیه‌ وه‌ك هه‌ندی كه‌س وه‌صفی ده‌كه‌ن ووتی هه‌موو ده‌مانه‌وه‌ی پیكه‌وه‌ بژین ، له‌ به‌رامبه‌ردا (توماس شمیدیه‌ ) روایژكاری سیاسی زانكوی فیینا وسه‌روَكی وه‌فده‌كه‌ خوشحالی وه‌فده‌كه‌ بو سه‌ردانی كردنی كه‌ركوك ده‌ربری ووتی ئه‌م ده‌زگا وه‌رزشیه‌ زوَر باشتره‌ له‌ ده‌زگای پولیس ، هیوای خواست وه‌ك چوَن هه‌ڵبژاردی توپیپی عیراق له‌ جامی ئاسیا به‌ یه‌ك گیان یارییان ده‌كرد به‌و شیوه‌یه‌ له‌ ژیانی روَژانه‌یاندا بژین.

ڕۆژانی 8 و 9 و 10/5 له‌ یاریگا جیاجیاكانی تۆپی ده‌ستی كوردستان جه‌وله‌ی پێنجه‌می قۆناغی دووه‌می خولی تۆپی ده‌ستی یانه‌ نایابه‌كانی كوردستانكرا، ئه‌مڕۆ له‌ سلێمانی یانه‌ی ئه‌زمڕ میوانداری یانه‌ی سۆلاڤی كرد 31 _ 20 گۆڵ یارییه‌كه‌ی لێبرده‌وه‌، له‌ خانه‌قین یانه‌ی پێرسی میوان 29 _ 27 گۆڵ له‌ ڕزگاری برده‌وه‌، دوینی و پێرێش یانه‌كانی سلێمانی و سیروانی نوێ سه‌ركه‌وتنیان به‌ده‌ستهینا بوو،
ئه‌نجامی گشت یارییه‌كان:
5 شه‌ممه‌ 8/5 :
ئه‌زمڕ 39 × 26 كه‌یوان.
هه‌ینی 9/5 :
سلێمانی 36 × 21 هێرش.
ڕزگاری  25 × 46 سیروانی نوێ.
شه‌ممه‌ 10/5 :
ڕزگاری 27 × 29 پێرس.
ئه‌زمڕ  31 × 20 سۆلاڤ.

فۆتۆ/ تیپی تۆپی ده‌ستی یانه‌ی ئه‌زمڕ.

ڕۆژی هه‌ینی 9/5 له‌ هۆڵی شه‌قڵاوه‌ یارییه‌كانی قاره‌مانێتی تۆپی سه‌رمیزی كچانی یانه‌كانی باكور و كوردستان كۆتایهات، پاش ئه‌نجامدانی گشت یارییه‌كان كچانی یانه‌كانی كه‌ركوك و شه‌قڵاوه‌ به‌پله‌ی یه‌كه‌م و دووه‌م سه‌ركه‌وتن بۆ قۆناغی دووه‌می قاره‌مانێتییه‌كه‌، له‌م قۆناغه‌دا 10 تیپ به‌شدارییان كردبوو كرابوون به‌ دوو گروپ، گروپی A (دوز، سیروانی شاره‌زوور، كه‌ركوك، ئه‌لقوش، قوشته‌په‌)، گروپی B (كلدان، ئه‌كاد، دهۆك، نه‌ورۆز، شه‌قڵاوه‌)، له‌ گروپی یه‌كه‌م (كه‌ركوك و ئه‌لقوش) و له‌ گروپی دووه‌م (شه‌قڵاوه‌ و ئه‌كاد) گه‌یشتنه‌ قۆناغی پێشكۆتایی، به‌شێوه‌ی كروس یارییانكرد، یانه‌كانی كه‌ركوك و شه‌قڵاوه‌ گه‌یشتنه‌ یاری كۆتایی كچانی یانه‌ی كه‌ركوك 3 _ 0 گێم یارییه‌كه‌یان برده‌وه‌، له‌ دیاریكردنی پله‌كانی سێیه‌م و چواره‌م یانه‌كانی ئه‌كاد و ئه‌لقوش یارییانكرد، ئه‌كاد یارییه‌كه‌ی برده‌وه‌ و پله‌ی سێیه‌می به‌ده‌ستهێنا، به‌م ئه‌نجامانه‌ش هه‌ردوو یانه‌ی (كه‌ركوك و شه‌قڵاوه‌) گه‌یشتنه‌ قۆناغی دووه‌می قاره‌مانیتییه‌كه‌.

فۆتۆ/ تیپی تۆپی سه‌رمیزی كچانی یانه‌ی كه‌ركوك.

به‌ڕێوه‌به‌ری‌ هونه‌ری‌ هه‌ڵبژارده‌ی‌ لاوانی‌ عێراق (حه‌كیم شاكیر) كه‌ ئه‌ركی‌ ئاماده‌كردنی‌ هه‌ڵبژارده‌كه‌ی‌ پێسپێردراوه‌، به‌مه‌به‌ستی‌ به‌شداریكردن له‌ خولی‌ لاوانی‌ ئاسیا كه‌ بڕیاره‌ مانگی‌ 10 له‌ سعودیه‌ بكرێت، پاش ئه‌نجامدانی‌ كه‌مپێكی‌ ڕاهێنان له‌ شاری‌ دهۆك به‌به‌شداری‌ 25 یاریزان و ئه‌نجامدانی‌ چه‌ند یارییه‌ك له‌گه‌ڵ یانه‌كانی‌ (دهۆك ، سمێل) 20 یاریزانیان ده‌ستنیشان كردووه‌ بۆ هه‌ڵبژارده‌ی‌ لاوانی‌ عێراق كه‌ بریتین له‌ (گۆڵچی‌-عه‌لی موته‌شه‌ر ، سه‌فوان عه‌بدول كه‌ریم ، قائید سه‌دیر ، هێڵی‌ به‌رگری

قادر حه‌مه‌د/ هه‌ولێر
ئه‌مڕۆشه‌ممه‌ 9/5 سه‌عات 10 سه‌رله‌به‌یانی له‌ باره‌گای یه‌كیه‌تی ناوه‌ندی تۆپی پێی كوردستان به‌ ئاماده‌بوونی سه‌رۆك و ئه‌ندامانی یه‌كیه‌تی ناوه‌ندی تۆپی پێی كوردستان و نوێنه‌ری یانه‌ سه‌ركه‌وتوه‌كانی خولی پله‌ دووی كوردستان، كۆبنه‌وه‌ی هونه‌ری خوله‌كه‌ و ئه‌نجامدانی تیروپشكی خوله‌كه‌ كرا، بریاردرا خوله‌كه‌ به‌شێوازی دوودۆڕان ده‌ركردن بكرێت هه‌ر تیپێك به‌ دوو دۆران له‌ خوله‌كه‌ ده‌ربچێت، یارییه‌كانی ئه‌م قۆناغه‌ رۆژی سێ شه‌ممه‌ش  ئه‌نجام ده‌درێت به‌م شێوه‌یه‌ ، یانه‌ی سه‌رچنار چاوه‌روانه‌.
كاره‌بای دوبس × هاوكاری دوز
دینارته‌          × شاوێس
سێ چرا        × چوارقورنه‌
شاره‌زور      × خه‌بات

فۆتۆ/ دیمه‌نێك له‌ دانیشتنه‌كه‌.

ڕۆژی 5 شه‌ممه‌ 9/5 سیلفیوبرلسكۆنی سه‌رۆك وه‌زیرانی ئیتاڵیا وازهێنانی خۆی له‌ سه‌رۆكی یانه‌ی میلانی ئیتاڵی ڕاگه‌یاند به‌هۆی دژ بونی هه‌ردوو ئیشه‌كه‌ی له‌گه‌ڵ یه‌كتردا، برلسكۆنی ته‌مه‌ن 71 ساڵ له‌ ڕێگه‌ی پێگه‌ی یانه‌ له‌سه‌ر تۆڕی ئه‌نته‌رنێت وازهینانی خۆی ڕاگه‌یاند پاش ئه‌وه‌ی بۆ جاری چواره‌م سه‌رۆكایه‌تی ئه‌نجومه‌نی وه‌زیرانی له‌ ئیتاڵیا وه‌رگرت، برلسكۆنی له‌ ساڵی 1994 وه‌ ده‌ستی داوه‌ته‌ سیاسه‌ت وه‌ك سه‌رۆكی پارتی (فورزائیتاڵیا) كه‌ پارتێكی پارێزگاره‌، له‌ مانگی چواری ئه‌مساڵیشدا له‌ ڕیگه‌ی سه‌رۆكایه‌تی كردنی پارته‌ تازه‌كه‌ی (بوبولودیلالیبرتا) توانی سه‌رۆكایه‌تی ئه‌نجومه‌نی وه‌زیران به‌ده‌ستبهێنێت، برلسكۆنی له‌ ساڵی 1996 وه‌ خاوه‌نی یانه‌ی میلانه‌ و پێشتریش ساڵی 2004 پاش ده‌رچونی یاسای تێكه‌ڵ بونی به‌رژه‌وه‌ندییه‌كانی سیاسیه‌كان وازی له‌سه‌رۆكایه‌تی یانه‌كه‌ هینا.

ئه‌مڕۆ هه‌ینی 9/5 سه‌عات 4.30 له‌ یاریگا جیاجیاكانی كوردستان یارییه‌كانی جه‌وله‌ی 12 قۆناغی دووه‌می خولی تۆپی پێی یانه‌ نایابه‌كانی كوردستانكرا، یانه‌ی بروسك پێشه‌نگی یانه‌كان وه‌ك چاوه‌ڕوان ده‌كرا به‌ئه‌نجامیكی باش 4 _ 1 گۆڵ له‌ یانه‌ی هه‌ڵۆی یه‌كه‌می یانه‌كان له‌ خواری خواره‌وه‌ برده‌وه‌، به‌م بردنه‌وه‌یه‌ش یانه‌ی بروسك له‌ پێشه‌نگدا مایه‌وه‌ و ئاشكرا كردنی وه‌ك قاره‌مانی خوله‌كه‌ هینده‌ی نه‌ماوه‌، له‌ یارییه‌كی تردا له‌ سلێمانی یانه‌ی پێشمه‌رگه‌ی سلێمانی دووه‌می ڕیزبه‌ند له‌گه‌ڵ یانه‌ی زاخۆ یاریكرد توانی 2 _ 1 گۆڵ یارییه‌كه‌ی لێبه‌رێته‌وه‌ و پارێزگاری له‌ پله‌ی دووه‌می خۆی بكات، یانه‌ی دهۆك سێیه‌می ڕیزبه‌ند 2 _ 0 گۆڵ له‌ یانه‌ی هه‌ندرێن برده‌وه‌، كه‌ركوك چواره‌می ڕیزبه‌ند 1 _ 0 گۆڵ له‌ یانه‌ی سلێمانی برده‌وه‌،
ئه‌نجامی گشت به‌رییه‌ككه‌وتنه‌كان به‌مشێوه‌یه‌ بوو:
ئاسۆ        0 × 0 ئه‌زمڕ.
بروسك     4 × 1 هه‌ڵۆ.
پێشكه‌وتن 2 × 2 سیروانی نوێ.
دهۆك      2 × 0 هه‌ندرێن.
كه‌ركوك   1 × 0 سلێمانی.
پێرس      4 × 2 هه‌ولێر.
پێشمه‌رگه‌ی سلێمانی 2 × 1 زاخۆ.
پێشمه‌رگه‌ی هه‌ولێر   2 × 1 ئارارات.

فۆتۆ/ پێشمه‌رگه‌ی سلێمانی دووه‌می ڕیزبه‌ند.

هه‌فته‌ی رابردوو شاندێكی كۆمه‌ڵه‌ی رۆژنامه‌نووسانی وه‌رزشیی كوردستان كه‌ پێكهاتبوو له‌: سامان بریفكانی جێگری سكرتێر و سابیر ئه‌حمه‌د به‌رپرسی په‌یوه‌ندییه‌كان و زاگرۆس نانه‌كه‌لی به‌رپرسی دارایی و جه‌لال سه‌عید و سه‌میر به‌رواری ئه‌ندامانی ده‌سته‌ی كارگێڕی به‌ مه‌به‌ستی پته‌وكردنی په‌یوه‌ندییه‌كانی نێوان كۆمه‌ڵه‌ و ده‌زگا به‌رپرسه‌كانی كوردستان سه‌ردانی شاری ده‌وكیان كرد. له‌ یه‌كه‌مین چاوپێكه‌وتندا، سه‌ردانی پارێزگای دهۆكیان كرد و له‌ لایه‌ن ته‌مه‌ر كۆچه‌ر پارێزگاری دهۆك به‌ گه‌رمی پێشوازییان لیكرا. ته‌مه‌ر كۆچه‌ر ده‌ستخۆشیی به‌ دامه‌زراندن و دواتر ئه‌كتیڤكردنی كۆمه‌ڵه‌ی كرد و هیوای خواست سه‌رجه‌م رۆژنامه‌نووسانی وه‌رزشی له‌سه‌ر ئاستی كوردستان به‌ بێ‌ جیاوازی حزبایه‌تی له‌ژێر چه‌تری كۆمه‌ڵه‌ كار بكه‌ن و هه‌وڵ‌ بده‌ن زیاتر سلبیاتی

عه‌دنان حه‌مه‌د راهێنه‌ری‌ هه‌ڵبژارده‌ی‌ عێراق 27 یاریزانی‌ بۆ رووبه‌ڕووبوونه‌وه‌ی‌ ئوسترالیا ده‌ستنیشانكردووه‌‌و هاوكات به‌ر له‌یارییه‌كه‌ دوو یاریی‌ دۆستانه‌ به‌رامبه‌ر سوریا‌و تایله‌ند ئه‌نجامده‌دات، له‌م پێكهاته‌یه‌دا‌ هه‌شت یاریزانی‌ نوێ‌ له‌نێو هه‌ڵبژارده‌كه‌دا هه‌یه‌‌ كه‌ حه‌وتیان له‌یانه‌كانی‌ عێراقدا یاری‌ ده‌كه‌ن‌و یه‌كێكیشیان پیشه‌گه‌ره ‌‌یاریزانه‌ نوێیه‌كان بریتین له‌ :ویسام گاسد‌و جاسم سوادی‌له‌ یانه‌ی‌(قوه‌ جه‌ویه‌)‌و ئه‌حمه‌د عه‌لی‌(زه‌وڕا)‌و یاسر ره‌عد‌و ساماڵ سه‌عید(هه‌ولێر)‌و نه‌بیل عه‌باس(نه‌جه‌ف)‌و خالید موشیر(دهۆك)‌و عه‌لی‌ سه‌ڵاح(ئه‌ربه‌دی‌ ئه‌رده‌نی‌)، هه‌ڵبژارده‌كه‌ 19 یاریزانی‌ تریش له‌ خۆ ده‌گرێت كه‌ تیایدا 14 یان له‌ یانه‌ عه‌ره‌بی‌‌و ئاسیاییه‌كان یاری‌ ده‌كه‌ن.
‌ 19 یاریزانه‌كه‌ی‌ تر بریتین له‌ یاریزانان،

ئه‌مڕۆ 5 شه‌ممه‌ 8/5 له‌ شه‌قڵاوه‌ به‌سه‌رپه‌رشتی یه‌كیتی تۆپی سه‌رمیزی عێراق قاره‌مانیتی تۆپی سه‌رمیزی كچانی یانه‌كانی بكوری عێراق كرا، ده‌ یانه‌ له‌ قاره‌مانیتیكه‌دا به‌شدارن (ئه‌كاد و شه‌قڵاوه‌ و نه‌ورۆز و كه‌ركوك و سیروانی شاره‌زوور و دهۆك و كلدان و هه‌ولێر و ئه‌لقوش و دوس)، ئه‌مڕۆ چه‌ند یارییه‌ك ئه‌نجام دراون كه‌ ئه‌مه‌ ئه‌نجامه‌كانیانه‌:
كه‌ركوك × سیروانی شاره‌زوور     3 _ 0
نه‌ورۆز  × كلدان                     3 _ 0
ئه‌كاد   × نه‌ورۆز                    3 _ 0
هه‌ولێر × سیروانی شاره‌زوور      3 _ 1
یارییه‌كان سبه‌ینێش به‌رده‌وام ده‌بێت.